Грчката полиција денеска мораше да интервенира со употреба на солзавец за да ги растера насилните групи демонстранти во Атина кои протестираат против најавените владини мерки за штедење. Вториот генерален штрајк неделава во земјата, ги парализираше јавниот транспорт, авионскиот сообраќај, а болниците работат само со основниот персонал. Околу 10 илјади луѓе излегоа на улиците на Атина, а инцидентите ги предизвикале група млади, кои фрлале со камења и со молотови коктели врз зградата на парламентот. Слични инциденти денеска се забележани и за време на протестите во Солун.